" Verdadeiramente, o home é o rei dos animais, pois a súa brutalidade supera á destes"

Leonardo Da Vinci


Novo traballo do bacharelato de Artes Escénicas e Musicais e Artes Plásticas, xunto co Taller de Creación Artística do M.G.B. Curso 2011/12
Inspirado en " NIKA " cadela mestiza, rescatada polo Refuxio Municipal de Cambados, e adoptada por Laura.
"PEDIGREE" pretende concienciar ós/ás cidadáns/ás sobre o benestar e dignidade animal.



martes, 6 de noviembre de 2012

Premio!!!

Pedigree acada o segundo premio, outorgado polo xurado profesional, no Festival Internacional de Cine de Ourense, Ouff Escola.

A verdade é que cada vez superámonos un chisco...
Foi un pracer inmenso traballar con todos/as vós... pero o maior dos premios é a gran amizade que nos une.

Prensa
Voz de Galicia
Catrogatos
El Correo Gallego
Faro de Vigo






NORABOAAAAAAA!!!!!!

viernes, 26 de octubre de 2012

Pedigree no Festival de Cine de Ourense

Aquí podese ver a curta ( foi subida pola organización do Festival de  Cine de Ourense )
Pódese votar ( se che gusta ) para optar a un premio do público.
 Curtametraxe
https://vimeo.com/48508936#signin

Making off
https://vimeo.com/48131420

Nesta ligazón podedes ver tódolos traballos presentados ao festival.

http://www.ouff.org/web/index.php/content/view/5517/390/lang,galician/

Nota de prensa, Faro de Vigo

miércoles, 1 de agosto de 2012

FINALISTAS !!!


"Desde la Oficina Técnica del Premio a la Acción Magistral nos complace
ponernos en contacto con usted para notificarle que el proyecto que usted
presentó titulado "Pedigree" ha sido uno de los
finalistas de la Categoría B - Ed. Secundaria en la fase de Evaluación
Autonómica de Galicia. Esto significa que su candidatura se elevará a la
Comisión de Evaluación Estatal como proyecto recomendado.
Le deseamos mucha suerte en la próxima fase de evaluación.
Saludos cordiales."


Catrogatos.com

Oficina del Premio a la Acción Magistral
Homenaje al Maestro






martes, 22 de mayo de 2012

Trailer

O mércores 23 de maio presentamos o trailer de Pedigree. Aproveitamos o acto de despedida dos alumnos/as de segundo de bacharelato, para amosar parte do seu traballo.
A proxección, do trailer,  será no Teatro Principal da Estrada.
No vindeiro mes de xuño " vestiremos de largo " para ver a curta completa mais o making off.
Parabéns a toda a comunidade Pedigree, con ou sen papeis, con poucos medios, e moito moito traballo, estamos a piques de conseguilo unha vez máis.
A nimación está moi traballada, os bonecos son fantásticos, o vestiario extraordinario, as maquetas unha pasada, ... algún día, alguén ollará ao pasado e atoparase co voso traballo. Sodes parte da historia cultural deste país, sen dúbida.
Grazas pola vosa entrega.

viernes, 4 de mayo de 2012

Praza de touros

Do vale à montanha
Da montanha ao monte
Cavalo de sombra
Cavaleiro monge
Por casas, por prados
Por quinta e por fonte
Caminhais aliados
" Cavaleiro Monge"  Mariza 

Toma aérea da maqueta do exterior da praza de touros.


Excelente!

Agora sí

Por fin puidemos xuntar a todo o equipo para facer unha foto, un tanto accidentada, pero saíu.
Tivemos que recorrer a unha vella e sufrida cámara de fotos e , por iso, a calidade da mesma non é a mellor.
Menos mal que detrás da cámara estaba Miguel Bugallo, grazas Miguel, que é un experto nisto dos retratos...
O traballo estaba dividido en varios grupos:
Modelado, esqueletos, animación e gravación
Maqueta, escenarios, iluminación, fotografía
Confección, deseño da roupa e costura.
Corrección lingüística, corrección do blog e textos para o filme.
Montaxe, postprodución e efectos especiais.
Banda sonora e paisaxe sonora ( sons foley )

Grazas a todos/as pola vosa entrega e adicación. Só con traballo e tesón podemos acadar os obxectivos. Un dos maiores retos era poder fotografar, en tan pouco tempo, case 12.000 fotos.
 Estamos perante un dos traballos artísticos máis vangardistas e de maior dificultade para un centro de ensino secundario.

viernes, 27 de abril de 2012

Parte do equipo

Hoxe rematamos de fotografar e celebrámolo un pouco. Falta a foto da familia ó completo... mentres, imos poñendo cara a algúns membros do equipo. En breve teremos a foto completa. Non debemos esquecer tampouco, que aínda queda moitísimo traballo pero " que me quiten lo bailao "
Ten boa pinta

Seguro que chega para todos ?

Pedaso de equipo!!!

Fin gravación

Acabamos de rematar a gravación fotográfica. Case 12.000 fotos!!! Agora debemos montar os vídeos, efectos, efectos especiais, paisaxe sonora... Noraboa a todos/as polo traballo. vémonos na estrea MUNDIAL!!!

Canto me custou este papel. Vou probar un anaco, nótase que está feito con ovos da casa!!!

Grazas a Conchi polo brownie e grazas a Sol pola bica. Que rico!!!

miércoles, 25 de abril de 2012

Música diexética

A música diexética é a que aparece na propia escena. En "Pedigree" utilizamos este recurso en varias ocasións.
Isto supón unha gran dificultade na animación pero tamén é moi gratificante pór en práctica esta técnica.
Con esta toma xa estamos nas 11.000 fotografías. Que pouco queda para rematar a gravación!!!

jueves, 19 de abril de 2012

Traballos de granxa

Para esta toma tivemos que recorrer, unha vez máis, á suxección do moneco cun arame. Temos que facer unha primeira foto sen moneco para crear un plano de fondo. Logo fotografamos o moneco, co seu movemento, e ó final borramos o arame de cada foto... case nada !!

Nova vida

Ás veces as persoas debemos adaptarnos a unha nova vida. O protagonista da historia tamén.
Dende o punto de vista técnico está a resultar bastante complicado gravar estas tomas. Traballamos con elementos que non podemos pegar ao chan e isto provoca movementos non desexados.

martes, 17 de abril de 2012

10.000!!!

Chegamos á ansiada conta de 10.000 fotografías. Só nos quedan unhas mil cincocentas ou dúas mil máis... isto pinta ben!!!
A día de hoxe levamos filmado vinte escenas. Faltan dúas para rematar. A penúltima xa estamos con ela. Os/as alumnos/as de segundo de bacharelato non deixarán o centro sen ver a súa obra na gran pantalla. Ánimo tamén aos de primeiro, que estades a facer unhas maquetas profesionais.
Apertas a todos/as
O protagonista da historia parece que se está a encariñar cun touro...

lunes, 16 de abril de 2012

Touros de lidia

Os criadores dos touros de lidia manteñen que os seus animais son criados nunhas condicións extraordinarias... máis tarde alegan que morren con DIGNIDADE !!!

Un dos protagonistas de " Pedigree "

martes, 10 de abril de 2012

Quen te viu e quen te ve...

Estamos a realizar unha das derradeiras tomas. Agora xa podemos pensar no remate.
Faltan tres escenas por gravar. En total faremos unhas 12.000 fotos.
As dúas últimas serán bastante complexas, pero agora temos máis experiencia.

jueves, 5 de abril de 2012

Festa Nacional ?

A verdadeira esencia de pedigree pasa por sensibilizar ás " persoas " sobre a dor e sufrimento que provocamos aos animais.

martes, 3 de abril de 2012

Semana Santa

Santa Semana...bendita tu eres entre todas...
Unha vez máis aproveitamos algúns días de vacacións para avanzar o traballo. Isto lémbrame outros tempos.
Estamos a montar unha escena no clube de jazz. Neste caso, trátase dunhas probas de luz:
Balance de brancos
Profundidade de campo
Iso 200/400/800...
Velocidade de obturación...
A maqueta, coma sempre, é unha pasada. Dos músicos nin falamos.
O resultado, xa o veremos...



miércoles, 28 de marzo de 2012

Músicos con " Pedigree "

Así traballamos en Pedigree.
Unha pequena mostra do traballo que realizamos, antes e despois, de cada fotografía. Case nada !!!

martes, 27 de marzo de 2012

Vacacións !!!

Estamos a preparar o set de filmación para as vacacións da nosa familia.
O violín está feito con fimo ( cocido no forno ).
Os decorados están elaborados polos/-as alumnos/as de primeiro de bach.
Esta toma está a resultar bastante complexa, debido á introdución na escena da violinista. Pensamos que resultará unha toma fermosa, e debemos intentalo.

Debemos recorrer ó arame para suxeitar á violinista. Unha vez rematada a toma borraremos os elementos non desexados: arame, trípode...

viernes, 23 de marzo de 2012

8000 !!!

Xa fixemos 8000 fotografías. Para rematar o crebacabezas só precisamos cinco ou seis mil fotos máis... chupao !!!
Parabéns de novo a todo o equipo. É un orgullo contar con persoas da vosa capacidade, creatividade e compromiso. As noites de insomnio convértense en noites de ilusión. Un xa non pode deixar de pensar na criatura que está en camiño.
Grazas a todos/as. 

Que pensará o prota ?

jueves, 22 de marzo de 2012

Avión

A nosa familia ten programada unha viaxe un tanto especial.
Gústannos os avións... esta vez Abel artellou un sistema moi particualar para a filmación.
Utilizou un sufrido e vello tocadiscos para capturar as fotografías, logo creará unhas imaxes do ceo en 3D. Xa veremos o resultado.

O sistema está provisto de unha regla para ter referencias á hora de fotografar.

miércoles, 21 de marzo de 2012

Volta ó fogar

Estes son algúns detalles do set fotográfico.
En primeiro lugar amosamos a entrada principal da casa. É unha mágoa que a cámara que estamos a utilizar non enfoca o cerca que quixésemos... de tódolos xeitos, temos expertos en edición que achegarán a toma tanto como precisemos.
Por outra banda, a cadela protagonista, está a buscar un lugar cómodo para descansar... ata aquí podemos contar.

Unha mostra do desenfoque a curta distancia

Detalle da porta

Esta toma será traballada en postprodución para efectos nocturnos.

viernes, 16 de marzo de 2012

Vacacións tristes

A pequena da familia está moi triste, estas vacacións marcarán, sen dúbida, a súa vida...
O efecto das bágoas foi realizado utilizando un pincel e auga.
O enxeño está por riba dos presupostos. Así debe ser.

miércoles, 14 de marzo de 2012

Interior avión

Podemos observar aquí unha maqueta do interior do avión. Imos utilizar unha "nube móbil" para dar máis realismo á acción. Tamén estamos a traballar na iluminación; facemos probas con personaxes secundarios.
O traballo do equipo de maqueta é fascinante... agora debemos esmerarnos para sacarlle partido.

A nube pasará por detrás dos cristais...

Traballando coa luz

Aquí podemos apreciar o detalle do ceo a través das fiestras do avión.

martes, 13 de marzo de 2012

Luz

O tratamento da luz é algo imprescindible para transmitir o sentimento da obra.
A mesma foto con diafragmas diferentes...


viernes, 9 de marzo de 2012

Abandono

Estamos a gravar as tomas do abandono. Por unha banda está un granxeiro... pola outra, un can que busca desesperadamente á súa "familia"
Os paus son autóctonos, orixinarios do IES MGB

miércoles, 7 de marzo de 2012

Foto 4000

Temos un tercio das fotos tomadas. En concreto 4107.
O equipo de maqueta debe pisar o acelerador porque precisamos os novos escenarios.
Na vindeira semana teremos listo o interior dun avión, para esa toma imos precisar unhas 800 fotografías.
Na parte de edición de vídeo e efectos especiais, tamén se está a avanzar bastante.
Hai que retocar as fotos, tratar a luz, adaptar o formato, facer cromas e capas de vídeo...
Foto 4000

viernes, 2 de marzo de 2012

Chalé

Os protagonistas da historia teñen unha casa fantástica... gañan cartos e todo vai ben... de momento.
Os/as artistas que están a traballar na maqueta amosan o seu potencial. No set de filmación xa superamos as 3600 fotos.
Menudo traballo!!!

Ás veces tamén anoitece...

miércoles, 29 de febrero de 2012

Foto 3000

Esta é a foto número 3000. A verdade é que nos fai moita ilusión chegar a esta cifra. Só faltan doce mil fotos máis... chupao!!!
Fixádevos no texto do folio.

2622 fotos !!!

Parece que estamos a coller un bo ritmo... xa superamos as 2600 fotos.
Rematamos as dúas primeiras escenas. Agora imos fotografar unha das últimas, debido a que xa está rematada esa parte da maqueta. Se non temos problemas técnicos, poderemos rematar a tempo...

viernes, 17 de febrero de 2012

Mil fotos máis

Superamos as dúas mil fotos!!!
Hoxe estamos a rematar a escena do interior da casa.
O equipo de maqueta, achegounos o seguinte escenario... chegou a oficina!!!

miércoles, 8 de febrero de 2012

Superadas as 1000 fotografías

A dia de hoxe, levamos tomadas 1238 fotografías. En tempo, correspóndese con dous minutos de película aprox..
Cada sesión as tomas son mellores. Os/as animadores/as xa coñecen as series de fotos que deben facer por cada movemento... isto supón un avance notable.
O resto do equipo, coma sempre, está a traballar moito para rematar as súas tarefas.

viernes, 27 de enero de 2012

Escenografía

A escenografía é SUPERIOR !!! noraboa a tódolos/as alumnos/as polo traballo excelente que estades a facer.


jueves, 26 de enero de 2012

Corrección de erros

A experiencia é a acumulación e superación dos erros.
Esta é a primeira toma no set " oficial "
Podemos observar que os erros máis frecuentes son:
movementos indesexados, roupa, escenario ...
Tratamento do enfoque-desenfoque, en movementos de cámara...
Isto é moi importante. Se conseguimos cambiar os erros por acertos...
Aínda temos moitos recursos para a mellora; en post produción faremos algo de maxia. En todo caso, o mellor é partir dunhas boas tomas.

Este vídeo está tal cal se gravou, a 8 frms x segundo. Non foi retocado en canto á luz, tempos de movemento, montaxe, nin sequera eliminamos a claqueta, etc... así valoramos mellor os detalles.
A música utilizada neste vídeo está libre de dereitos; non ten nada que ver coa nosa historia, pero serve pala ir valorando o ritmo da imaxe e movemento.
Ánimo chavales/as, ten unha pintaza... !!!

miércoles, 25 de enero de 2012

Detalles

Nestas fotos podemos apreciar algúns detalles. Por unha banda, o equipo de maqueta, preséntanos un traballo ben rematado; non faltan os andeis, mesa, alfombra, e mesmo os libros.
Por outra banda os/as modeladores/as amosan as sutilezas dos peiteados femininos...