Escenografía

A escenografía é SUPERIOR !!! noraboa a tódolos/as alumnos/as polo traballo excelente que estades a facer.

Corrección de erros

A experiencia é a acumulación e superación dos erros.
Esta é a primeira toma no set " oficial "
Podemos observar que os erros máis frecuentes son:
movementos indesexados, roupa, escenario ...
Tratamento do enfoque-desenfoque, en movementos de cámara...
Isto é moi importante. Se conseguimos cambiar os erros por acertos...
Aínda temos moitos recursos para a mellora; en post produción faremos algo de maxia. En todo caso, o mellor é partir dunhas boas tomas.

Este vídeo está tal cal se gravou, a 8 frms x segundo. Non foi retocado en canto á luz, tempos de movemento, montaxe, nin sequera eliminamos a claqueta, etc... así valoramos mellor os detalles.
A música utilizada neste vídeo está libre de dereitos; non ten nada que ver coa nosa historia, pero serve pala ir valorando o ritmo da imaxe e movemento.
Ánimo chavales/as, ten unha pintaza... !!!

Detalles

Nestas fotos podemos apreciar algúns detalles. Por unha banda, o equipo de maqueta, preséntanos un traballo ben rematado; non faltan os andeis, mesa, alfombra, e mesmo os libros.
Por outra banda os/as modeladores/as amosan as sutilezas dos peiteados femininos...

Conta atrás

Comezamos as primeiras tomas. Estamos adicando algunhas sesións a mellorar a iluminación.
Montamos un reflector na parte superior do set de filmación, para suavizar un pouco as sombras.

Iluminación

Na xornada de hoxe, adicámonos a facer probas fotográficas. Utilizamos diferentes cámaras e recursos de luz.
Outros membros do equipo están a retocar os monecos e últimos detalles.

Set de filmación

Todo está preparado para comezar.
Estamos a dar os últimos retoques no set de filmación.
Esta semana comeza a rodaxe. Xa levamos moitas horas de traballo, pero agora precisamos a máxima concentración e entrega.

Entrevistas na radio

Segunda visita a Radio Estrada.
Este foi o segundo programa, en directo, que levamos a cabo como parte da documentación para o traballo.
Recibimos varias chamadas durante o programa, opinando sobre a dignidade animal.
Quedamos emprazados/as para outro programa. Parece que o tema é de interés xeral.
Grazas a Radio Estrada pola súa colaboración.

Gomaespuma

Esta é outra posibilidade.
Unha vez tallado recubrímolo con látex. Tamén debemos contar cos arames interiores.
Xa temos un can feito con esta técnica, e parece que pode dar resultado.